Ба муносибати Ҳафтаи Умаршоҳ Давлатов
Маҳмадӣ Тешаев, аз дӯстони бисёр наздики Умаршоҳ Давлатов ва раиси собиқи бахши ҲНИТ дар ноҳияи Рӯдакӣ, ки дар ҳоли ҳозир дар яке аз кишварҳои урупоӣ ба унвони паноҳанда зиндагӣ мекунад, хотираи бисёр аҷибе аз зиндонии сиёсӣ, Умаршоҳ Давлатов нақл кард. Вай гуфт:
“Дар бахши ҲНИТ дар ноҳияи Рӯдакӣ ҳар ҳафта дар рӯзи душанбе ҷаласаи ҳафтина мегузарондем. Рӯзи душанбе буд. Хабари даргузашти амакбачаи бародар Умаршоҳро шунида, бо ҷамъи масъулони бахши ноҳия фотеҳахонӣ рафтем. Марҳум дар ҳамсоягии бародар Умаршоҳ зиндагӣ мекард.
Ба бародар Умаршоҳ гуфтем: “Имрӯз мусибат доред, ҷаласаро ба ҳафтаи дигар монем?”
Дар ҷавоб гуфт: “Шумо қароргоҳ равед, ҷаласаро мегузаронем.”
Мо рафтем. Умаршоҳ баъди чанд лаҳза ба қароргоҳ расид. Мо гуфтем: “Чаро омадед? Имрӯз мусибат доштед.”
Дар ҷавоб гуфт: “Бо будани ман, майит зинда намешуд, кори муҳим ин ҷаласа аст.”
Баъд аз ҷаласа ба намози ҷаноза рафтем.”
#Ҳафтаи_Умаршоҳ_Давлатов
#Озодӣ_ба_Умаршоҳ_Давлатов
#Свободу_Умаршоху_Давлатову
#Free_Umarsho_Davlatov
Зиндониён 
Добавить комментарий